大家在观看周星驰或者其他香港影星嘅电影会发现，仆街与冚家铲依两个哩语，出现机率会好高。好多人都误认为仆街与冚家铲系两句粗口。

其实依两个词本意并不粗鄙，相反都带有一定嘅文言文成份，在参考过一d广东近代嘅文献以及一d老人嘅口头回忆之後，我用比较简明嘅文字离讲一下，关依两句哩语的由来。

仆街依个词出现于近代满清，其发音来源有好多种说法，以下一种说法，比较多人认同：

话说系十八、十九世纪，好多英国商人来广州经商，英国商人离广州，都系搭船去广州d码头然後上岸同广州d商人进行贸易，当时广州d码头有好多衣不遮体嘅搬运工人，而码头装卸货物都要靠依班贫苦劳工离完成，英国商人离广州做生意，经常要接触依班搬运工，久而久之，英国商人都称呼d码头工人叫“poor－guy”。

後来因为满清政府腐败无能打败仗，割让左香港比英国，而当时嘅英国为左系香港进一步侮辱华人，将香港好多嘅下层劳工都称为“poor－guy”。

而d华工基本上都唔识英文，但系都明白到“poor－guy”，但系都明白到依个词系侮辱人嘅意思，所以反译成字面都成左“仆街”。

而仆街依个词既含意系“暴屍街头”嘅意思，其来源同满清政府嘅暴行有关。

话说系清兵攻陷广州之後，满清对广州人民犯下滔天罪行，残杀左几十万唧广州居民，广州人民对满清政|权恨之入骨。在满清统治期间广州一带经常爆发反清复明嘅起义，於是满清政府就系广州而家“法场路”依个地方设立左一个十分之大嘅刑场，专门斩杀被抓获嘅反清志士。

由於当时广州系全亚洲最富裕嘅城市，回应起义嘅人并唔系好多。但系第二次鸦片战争战败之後，经济嘅恶化，以及民族矛盾尖锐，引发更多人加入反清复明嘅起义入边。“法场路”几乎每日都要处斩大量嘅反清志士。

而斩首行刑果阵，总会引来大批唧市民围观，d市民一路睇斩首，一路系到意论，斩刀一落，人头就落地，条屍就好自然咁扑左系条街到，於是周围围观嘅市民又会系到议论：今日又有咁多人扑街咯。而久而久之扑街就成为左“暴屍街头”嘅意思，又成为左一句好恶毒嘅广东话闹人名词。

冚家铲依个词系灭门满门抄斩嘅意思。

冚代表全、所有嘅意思，冚家既系全家。

铲：

表割除。

唐·柳宗元的《钴鉧潭西小邱记》：铲刈秽草，伐去恶木。

通剗，削平。

唐·杜牧《原十六卫》：於是府兵内铲，边兵外作。

依个词嘅起源说法不一。现在大部分观点认为都系起源于满清，因为满清政权对待汉人十分之残暴。汉人犯灭门之罪不单全家杀清光，而且连祖坟都会连根铲起，作为一种对其他平民为恐吓作用的刑罚。

冚家铲最初系官方嘅常用述语，用来判处犯人灭门嘅刑罚。而满清果阵，官员审犯判案老百姓都可以系公堂门外围观或者听对犯人嘅判决，当听到官员讲冚家铲果阵，大家都明白到系判咩刑罚。

久而久之，一般嘅平民百姓都会用冚家铲依个词离嘅闹人，冚家铲亦成为左一句好恶毒嘅闹人名词。

後来有d人为左加重闹人嘅语气，通常会将仆街冚家铲加起离一齐连读，用来加重对对方嘅咒駡语气。

以上是粤语版本，以下是普通话版本——